தினத்தந்தி புகார் பெட்டி: மக்கள் குறைகள் தொடர்பான பதிவுகள்

ஆக்கிரமிப்பு

விருதுநகர் மாவட்டம் சிவகாசி மாநகராட்சி பகுதியில் உள்ள கண்மாய்களில் கருவேல மரங்கள் அதிகம் வளர்ந்துள்ளது. இதனால் நிலத்தடி நீர்மட்டம் பாதிக்கப்படுவதுடன் கண்மாயில் முழுக்கொள்ளளவு நீரை தேக்கி வைக்க முடியாமல் விவசாயிகள் அவதிப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

வேல்முருகன், சிவகாசி.

சேதமடைந்த மின்கம்பம்

விருதுநகர் தாலுகா ஓ.கோவில்பட்டியில் மெயின் ரோட்டில் உள்ள மின்கம்பம் சேதமடைந்து மிகவும் ஆபத்தான நிலையில் உள்ளது. இதனால் அவ்வழியே செல்லும் பொதுமக்களும், வாகன ஓட்டிகளும் அச்சப்படுகின்றனர். எனவே சேதமடைந்த மின்கம்பத்தை அகற்ற அதிகாரிகள் நடவடிக்கை எடுக்க வேண்டும்.

பரத்ராஜா, ஓ.கோவில்பட்டி.

கூடுதல் பஸ்கள் இயக்கப்படுமா?

விருதுநகர் மாவட்டம் ராஜபாளையத்தில் இருந்து தென்காசி, நெல்லை போன்ற பகுதிகளுக்கு செல்ல இரவு நேரங்களில் போதிய அளவு பஸ்கள் இயக்கப்படுவதில்லை. இதனால் பயணிகள் நீண்ட நேரம் காத்திருந்து பயணிக்க வேண்டிய நிலை உள்ளது. எனவே கூடுதல் பஸ்கள் இயக்க அதிகாரிகள் நடவடிக்கை எடுக்க வேண்டும்.

குமரன், ராஜபாளையம்.

நாய்கள் தொல்லை

விருதுநகர் மாவட்டம் அருப்புக்கோட்டை மற்றும் அதன் சுற்றுவட்டார பகுதிகளில் நாய்களின் தொல்லை அதிகமாக உள்ளது. இருசக்கர வாகனங்களில் செல்பவர்களை நாய்கள் துரத்துவதால் அடிக்கடி சிறு, சிறு விபத்துகள் நிகழ்ந்த வண்ணம் உள்ளன. இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

பொதுமக்கள், அருப்புக்கோட்டை.

போக்குவரத்து நெரிசல்

விருதுநகர் மாவட்டம் ஸ்ரீவில்லிபுத்தூர் நகர் பகுதிகளில் போக்குவரத்து நெரிசல் ஏற்படுகிறது. இதனால் நகர் வழியாக செல்பவர்கள் பெரும் இன்னலுக்கு ஆளாகின்றனர். ஆம்புலன்ஸ் உள்ளிட்ட வாகனங்கள் குறிப்பிட்ட நேரத்திற்குள் செல்ல முடியாத நிலை உள்ளது. ேபாக்குவரத்து நெரிசலை சரி செய்ய நடவடிக்கை எடுக்க வேண்டும்.

கவிதா, ஸ்ரீவில்லிபுத்தூர்.