தினத்தந்தி புகார் பெட்டி: மக்கள் குறைகள் தொடர்பான பதிவுகள்

சாலை சீரமைக்கப்படுமா?

விருதுநகர் மாவட்டம் காரியாபட்டி மற்றும் அதன் சுற்றுவட்டார கிராமப்புற பகுதிகளில் சில இடங்களில் உள்ள சாலை சேதமடைந்து பயன்படுத்த முடியாத நிலையில் உள்ளது. இதனால் வாகனஓட்டிகள் சாலையில் பயணிக்க சிரமப்படுவதுடன் சிறு, சிறு விபத்துகளும் நிகழ்ந்து வருகிறது. எனவே சாலையை சீரமைக்க நடவடிக்கை எடுக்க வேண்டும்.

சுரேஷ், காரியாபட்டி.

தொல்லை தரும் நாய்கள்

விருதுநகர் மாவட்டம் ஆலங்குளம் பகுதியில் நாய்கள் சாலையில் கூட்டம், கூட்டமாக சுற்றித்திரிகின்றன. இதனால் பொதுமக்கள் சாலையில் நடந்து செல்ல சிரமப்படுகின்றனர். மேலும் வாகனங்களில் செல்பவர்களை நாய்கள் துரத்துவதால் சிறு,சிறு விபத்துகள் ஏற்படும் நிலை உள்ளது. எனவே தெருநாய்களை பிடித்து அப்புறப்படுத்த சம்பந்தப்பட்ட துறையினர் நடவடிக்கை எடுக்க வேண்டும்.

கோபி, ஆலங்குளம்.

பொதுமக்கள் சிரமம்

விருதுநகர் மாவட்டம் சாத்தூர் அருகே உள்ள படந்தால் கிராமம் தென்றல் நகர் தெற்கு பகுதியில் உள்ள மயானத்திற்கு செல்லும் சாலை மிகவும் சேதமடைந்து காணப்படுகிறது. இதனால் அப்பகுதி மக்கள் மிகவும் சிரமப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுத்து சாலையை சீரமைக்க வேண்டும்.

குமார், படந்தால்.

நடவடிக்கை தேவை

விருதுநகர் மாவட்டம் பனையடிப்பட்டி ஊராட்சிக்கு உட்பட்ட கண்டியாபுரம் கிராமத்தில் இருந்து அன்பின் நகரத்திற்கு செல்லும் சாலை மிகவும் மோசமாக குண்டும், குழியுமாக காணப்படுகிறது. இதனால் அந்த வழியாக செல்லும் பொதுமக்கள் அவதிப்படுகின்றனர். எனவே இப்பகுதியில் உள்ள சாலையை சீரமைக்க அதிகாரிகள் நடவடிக்கை எடுக்க வேண்டும்.

செல்வராஜ், கண்டியாபுரம்.

பெயர் பலகை வேண்டும்

விருதுநகர் மாவட்டம் சாத்தூர் வெங்கடாசலபுரம் பஸ் நிறுத்தத்தில் இருந்து சிவகாசிக்கு செல்லும் தேசிய நெடுஞ்சாலையில் பெயர்ப்பலகை இல்லாததால் சிவகாசி செல்பவர்கள் வழி தெரியாமல் மிகவும் சிரமப்படுகின்றனர். எனவே இப்பகுதியில் ஊர் பெயர் பலகை வைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், சாத்தூர்.