பேரிடர் மேலாண்மை பயிற்சி முகாம்

வாய்மேடு:

வாய்மேட்டை அடுத்த தாணிக் கோட்டகம் ஊராட்சியில் வருவாய் மற்றும் பேரிடர்மேலாண்மை துறையின் சார்பில் குறுவட்ட பொறுப்பாளர்களுக்கு பேரிடர் மேலாண்மை பயிற்சி முகாம் நடந்தது. முகாமிற்கு ஊராட்சி மன்ற தலைவர் முருகானந்தம் தலைமை தாங்கினார். மன்ற துணைத் தலைவர் கார்த்திகேயன் வரவேற்றார். ஒன்றியக்குழு உறுப்பினர் வைத்தியநாதன் முன்னிலை வகித்தார். இதில் பேரிடர் மாவட்ட பயிற்றுனர் அன்னபூரணி மற்றும் வாய்மேடு தீயணைப்புத்துறை நிலைய வீரர்கள் கலந்து கொண்டு உறுப்பினர்களுக்கு பயிற்சி அளித்தனர். முகாமில் ஊராட்சிமன்ற உறுப்பினர்கள், உள்ளாட்சி பிரதிநிதிகள் மற்றும் பொதுமக்கள் பலர் கலந்து கொண்டனர். முடிவில் ஊராட்சி செயலாளர் திருமறைச்செல்வன் நன்றி கூறினார்.