பசுமை சாம்பியன் விருது வழங்குவது குறித்த மாவட்ட அளவிலான தேர்வுக்குழு கூட்டம்

கரூர் மாவட்ட கலெக்டர் அலுவலக கூட்டரங்கில் நேற்று தமிழ்நாடு மாசு கட்டுப்பாட்டு வாரியத்தின் சார்பில் தமிழ்நாடு பசுமை சாம்பியன் விருது வழங்குவது தொடர்பாக மாவட்ட அளவிலான தேர்வுக்குழு கூட்டம் நடைபெற்றது. இதற்கு கலெக்டர் பிரபுசங்கர் தலைமை தாங்கி பேசினார். அப்போது அவர் கூறுகையில், தமிழக அரசின், சுற்றுச்சூழல் காலநிலை மாற்றம் மற்றும் வனத்துறை, சுற்றுச்சூழல் பாதுகாப்பு மற்றும் விழிப்புணர்வு ஏற்படுத்தும் பொருட்டு தங்களை முழுமையாக அர்ப்பணித்தவர்களுக்கு அதாவது தங்கள் மாவட்டத்தில் செயல்படுத்திய நிறுவனங்கள், கல்வி நிறுவனங்கள், குடியிருப்போர் நல சங்கங்கள், தனிநபர்கள், உள்ளாட்சி அமைப்புகள், தொழிற்சாலைகளுக்கு பசுமை சாம்பியன் விருது வழங்கப்படும். இவ்விருதினை தமிழ்நாடு மாசு கட்டுப்பாட்டு வாரியம் அமைக்கப்பட்ட பசுமை சாம்பியன் விருது தேர்வு செய்யும் குழு மூலம் தகுதி வாய்ந்த நபர்களை தேர்வு செய்து, தமிழ்நாடு மாசு கட்டுப்பாட்டு வாரியம் தலைமை அலுவலகத்திற்கு பரிந்துரைக்கப்படும். மேலும், தமிழ்நாடு மாசு கட்டுப்பாட்டு வாரியம் தலைமை அலுவலகத்தில் அமைக்கப்பட்ட குழு மூலம் தேர்வு செய்யப்படும் நபர்களுக்கு தலா ரூ.1 லட்சம் வீதம் பண முடிப்பும் மற்றும் சான்று வழங்க உள்ளது. இவ்வாறு அவர் கூறினார்.