தெருநாய்கள் கடித்து மான் செத்தது

அவினாசி,

அவினாசி ஒன்றியம் தெக்கலூர், புதுப்பாளையம், சாமந்தங்கோட்டை உள்ளிட்ட காட்டுப்பகுதியில் ஏராளமான மான்கள் வசிக்கின்றன. இரை மற்றும் தண்ணீருக்காக மான்கள் காட்டைவிட்டு வெளியேறும் அப்போது தெருநாய்கள் மான்களை கடித்து குதறுகின்றன. கடந்த ஒரு வாரமாக அவினாசி சுற்றுவட்டார பகுதியில் கடும் வெப்பம் காணப்படுகிறது. இந்த நிலையில் நேற்று தெக்கலூர் காட்டுப்பகுதியிலிருந்து 2 மான்கள் தண்ணீர் தேடி தெக்கலூர் ஏரிப்பாளையத்தில் ஒரு கோவில் அருகே வந்துள்ளது. இதைப்பார்த்து அங்கிருந்த தெருநாய்கள் மான்களை துரத்தி சென்று கடித்துள்ளது. இதில் ஒரு மான்காட்டுக்குள் மறைந்து தப்பியது. மற்றொரு 4 வயது புள்ளிமான் தெரு நாய்கள் கடித்ததில் உயிரிழந்தது. தகவலறிந்த வனத்துறையினர் மானின் உடலை மீட்டு பிரேத பரிசோதனை செய்து அடக்கம் செய்தனர்.