திருச்சி மாநகர நாடார் நற்பணிக்குழு சார்பில் அன்னதானம்

சமயபுரம் மாரியம்மன் கோவில் தேரோட்டத்தையொட்டி திருச்சி மாநகர நாடார் நற்பணிக்குழு சார்பில் 28-வது ஆண்டு தண்ணீர் பந்தல் மற்றும் அன்னதானம் வழங்கும் விழா சமயபுரம், வடக்குரத வீதியில் உள்ள டாக்டர் பா.சிவந்தி ஆதித்தனார் அன்னதான மற்றும் திருமண மண்டபத்தில் நேற்று நடந்தது. அன்னதானத்தை திருச்சி மாநகர நாடார் நற்பணிக்குழு தலைவர் மணிநாடார் மற்றும் நிர்வாகிகள் தொடங்கி வைத்தனர். நிகழ்ச்சியில் பொதுச் செயலாளர் சேகர்நாடார், துணைத்தலைவர்கள் ஈஸ்வரன், முருகேசன் நாடார், துணை செயலாளர்கள் காளிராஜன் நாடார், நடராஜன் நாடார், பொருளாளர் செல்வராஜ் நாடார் உள்பட பலர் கலந்து கொண்டனர். அன்னதானத்தில் திரளான பக்தர்கள் கலந்து கொண்டனர்.