டிரைவர் விஷம் குடித்து தற்கொலை

விக்கிரவாண்டி,

விக்கிரவாண்டி அருகே உள்ள வி.மாத்தூர் கிராமத்தை சேர்ந்தவர் அன்பழகன். டிராக்டர் டிரைவர். இவர் சம்பவத்தன்று தற்கொலை செய்து கொள்ள முடிவு செய்து வீட்டில் இருந்த விஷத்தை எடுத்து குடித்து விட்டார். இதில் மயங்கிய அவரை குடும்பத்தினர் மீட்டு சிகிச்சைக்காக முண்டியம்பாக்கம் அரசு மருத்துவக்கல்லூரியில் சேர்த்தனர். அங்கு அவரை பரிசோதனை செய்த டாக்டர் அன்பழகன் ஏற்கனவே இறந்து விட்டதாக தகவல் தெரிவித்தார். இதுகுறித்து அன்பழகன் மனைவி பரமேஸ்வரி கொடுத்த புகாரின் பேரில் விக்கிரவாண்டி போலீசார் வழக்குப்பதிவு செய்து, அன்பழகன் தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர். தற்கொலை செய்து கொண்ட அன்பழகனுக்கு 2 பெண் குழந்தைகள் உள்ளனர்.