வீரபாண்டி அருகே டிராக்டர் தலைகுப்புற கவிழ்ந்து டிரைவர் பலி

தேனி மாவட்டம் வீரபாண்டி அருகே உள்ள வயல்பட்டி, மந்தையம்மன் கோவில் தெருவை சேர்ந்தவர் சோனைமுத்து (வயது 29). டிராக்டர் டிரைவர். இன்று காலை இவர், அப்பகுதியில் உள்ள வயலில் டிராக்டர் மூலம் உழவு பணியில் ஈடுபட்டிருந்தார். அப்போது திடீரென்று கட்டுப்பாட்டை இழந்த டிராக்டர், வயலில் தலைகுப்புற கவிழ்ந்தது.

இதில், டிராக்டரை ஓட்டிய சோனைமுத்து, இடிபாடுகளில் சிக்கி படுகாயம் அடைந்தார். இதனை பார்த்த அக்கம்பக்கத்தினர் அவரை மீட்டு சிகிச்சைக்காக 108 ஆம்புலன்ஸ் மூலம் தேனி அரசு மருத்துவ கல்லூரி மருத்துவமனைக்கு அனுப்பி வைத்தனர். ஆனால் அங்கு அவரை பரிசோதனை செய்த டாக்டர்கள், சோனைமுத்து ஏற்கனவே இறந்துவிட்டதாக தெரிவித்தனர்.

இதுகுறித்து வீரபாண்டி போலீசார் வழக்குப்பதிவு செய்து விசாரணை நடத்தி வருகின்றனர். டிராக்டர் கவிழ்ந்து டிரைவர் பலியான சம்பவம் அப்பகுதியில் சோகத்தை ஏற்படுத்தியது.