பராமரிப்பு பணி காரணமாக ஈரோடு-மேட்டூர், ஈரோடு-ஜோலார்பேட்டை ரெயில்கள் 3 நாட்கள் ரத்து

சேலம் ரெயில் நிலைய யார்டு பகுதியில் தண்டவாளம் இணைக்கும் பணி மற்றும் பராமரிப்பு பணிகள் நடைபெறுகிறது. இதையொட்டி சேலம் வழியாக இயக்கப்படும் 25 ரெயில்கள் நேற்று முதல் 3 நாட்களுக்கு ரத்து செய்யப்படுவதாக சேலம் ரெயில்வே கோட்ட அலுவலகம் தெரிவித்து உள்ளது. அதன்படி நாளை (வெள்ளிக்கிழமை) வரை ஈரோட்டில் இருந்து மேட்டூர் அணை செல்லும் ரெயிலும் (06407), மேட்டூர் அணையில் இருந்து ஈரோடு வரும் ரெயிலும் (06408), ஈரோட்டில் இருந்து ஜோலார்பேட்டை செல்லும் ரெயிலும் (06412), ஜோலார்பேட்டையில் இருந்து ஈரோடு வரும் ரெயிலும் (06845) ரத்து செய்யப்பட்டு உள்ளன.