கட்டிட பணியின்போதுதவறி கீழே விழுந்த தொழிலாளி சாவு

ஈரோடு பெரியசேமூர் ஜீவாநகர் பகுதியை சேர்ந்தவர் சரவணன் (வயது 46). தொழிலாளி. இவர் கொத்துக்காரர் தோட்டம் பகுதியில் உள்ள ஒரு வீட்டில் கட்டிட வேலை பார்த்துக்கொண்டு இருந்தார். அப்போது எதிர்பாராத விதமாக 10 அடி உயரத்தில் இருந்து சரவணன் தவறி கீழே விழுந்துவிட்டார். இதில் அவருக்கு படுகாயம் ஏற்பட்டது. உடனே அவரை அங்கு இருந்தவர்கள் மீட்டு சிகிச்சைக்காக ஈரோட்டில் உள்ள ஒரு தனியார் மருத்துவமனையில் அனுமதித்தனர். அங்கு அவருக்கு டாக்டர்கள் சிகிச்சை அளித்து வந்தனர். எனினும் சிகிச்சை பலனின்றி சரவணன் உயிரிழந்தார். இதுகுறித்து வீரப்பன் சத்திரம் போலீசார் வழக்குப்பதிவுசெய்து விசாரணை நடத்தி வருகின்றனர்.