மழைவேண்டி துரியோதனன் படுகளம் நிகழ்ச்சி

காரிமங்கலம்:

முக்களம் ஊராட்சி பெரியமுக்குளம் ஓபுளிக்கு உட்பட்ட சீகலஅள்ளி கிராமத்தில் மழை வேண்டியும், பொதுமக்கள் நோய் நொடியின்றி வாழவும் மகாபாரத சொற்பொழிவு நிகழ்ச்சியை திரவுபதி அம்மன் கோவிலில் நடத்தினர். மகாபாரத சொற்பொழிவு நடத்திய பின் கூத்துக்கலைஞா்கள் கொண்டு துரியோதனன் படுகளம் நிகழ்ச்சி நடத்தப்பட்டது. இந்த நிகழ்ச்சி நடத்தப்பட்டதால் மழைவரும் என்பது மக்களின் நம்பிக்கை. பெரியமுக்குளம் பகுதியில் உள்ள 12 கிராம மக்கள் இணைந்து இந்த நிகழ்ச்சியை நடத்தினர். இதில் அருள்ஜோதி நாடக சபா கூத்துக்கலைஞா்கள் துரியோதனன் வேடம் தரித்தும், பஞ்சபாண்டவா் வேடம் அணித்தும் நடித்துக்காட்டினா். இந்த நிகழ்ச்சியை சுற்றுவட்டார கிராமங்களை சேர்ந்தவர்கள் பார்த்து ரசித்தனர்.