குலசேகரன்பட்டினத்தில் தசரா திருவிழா ஆலோசனை கூட்டம்

குலசேகரன்பட்டினம்:

குலசேகரன்பட்டினம் முத்தாரம்மன் கோவில் தசரா திருவிழா ஏற்பாடுகள் குறித்த ஆலோசனை கூட்டம் ஊரக வளர்ச்சித்துறை உதவி இயக்குனர் உலகநாதன் தலைமையில் தனியார் மண்டபத்தில் நடைபெற்றது. கூட்டத்திற்கு வட்டார வளர்ச்சி அலுவலர்கள் பழனிச்சாமி, ஜான்சி ராணி ஆகியோர் முன்னிலை வகித்தனர். கூட்டத்தில் பக்தர்களுக்கு குடிதண்ணீர், பொது சுகாதாரம் உட்பட அடிப்படை வசதிகள் செய்து கொடுக்க நடவடிக்கை எடுக்க அறிவுறுத்தப்பட்டது.

கூட்டத்தில் கோவில் நிர்வாக அதிகாரி ராமசுப்பிரமணியன், குலசேகரன்பட்டினம் பஞ்சாயத்து தலைவர் சொர்ணபிரியா துரை, துணைத்தலைவர் கணேசன், துணை வட்டார வளர்ச்சி அலுவலர்கள் ஜெயகார்த்திகை தீபன், வளர்மதி நிர்மலா, மூர்த்தி, சுகாதார திட்ட ஒருங்கிணைப்பாளர் குமார் உள்பட பலர் கலந்துகொண்டனர்.