மின்நுகர்வோர் குறைதீர் கூட்டம்

புதுக்கோட்டை, இலுப்பூர் மற்றும் கந்தர்வகோட்டை பகுதிக்கான மின்நுகர்வோர் குறைதீர்க்கும் நாள் கூட்டம் புதுக்கேட்டையில் இயக்குதலும், காத்தலும் செயற்பொறியாளர் அலுவலகத்தில் இன்று (வியாழக்கிழமை) காலை 10.30 மணி முதல் மதியம் 1 மணி வரை நடைபெற உள்ளது. கூட்டத்திற்கு மேற்பார்வைபொறியாளர் (பொறுப்பு) முருகன் தலைமை தாங்குகிறார். கூட்டத்தில் புதுக்கோட்டை கோட்டத்திற்குட்பட்ட மின்நுகர்வோர்கள் மற்றும் பொதுமக்கள் மேற்படி மேற்பார்வைபொறியாளரை நேரில் சந்தித்து தங்களின் மின்வாரிய சம்பந்தமான குறைகளை தெரிவித்து நிவர்த்தி செய்துகொள்ளலாம் என மின்சார வாரிய அலுவலகம் சார்பில் வெளியிடப்பட்டுள்ள செய்திக்குறிப்பில் தெரிவிக்கப்பட்டுள்ளது.