திசையன்விளை:

திசையன்விளை கடை வியாபாரிகள் சங்கம் சார்பில் நலத்திட்ட உதவிகள் வழங்கும் விழா நடந்தது. சங்க தலைவர் டிம்பர் செல்வராஜ் தலைமை தாங்கினார். செயலாளர் ஜெயராமன், பேரூராட்சி துணைத்தலைவர் ஜெயக்குமார் ஆகியோர் முன்னிலை வகித்தனர். சுடலையாண்டி வரவேற்று பேசினார்.

திசையன்விளை பேரூராட்சி தலைவர் ஜான்சிராணி சிறப்பு விருந்தினராக கலந்து கொண்டு மாணவ-மாணவிகளுக்கு புத்தாடைகள், கல்வி உபகரணங்கள் உள்ளிட்ட நலத்திட்ட உதவிகளை வழங்கினார். விழாவில் வியாபாரிகள், பொதுமக்கள் திரளாக கலந்து கொண்டனர்.