அரசு பாலிடெக்னிக் கல்லூரி வளாகத்தில் முதியவர் தற்கொலை

திருவெறும்பூர் அருகே அரசு பாலிடெக்னிக் கல்லூரி வளாகத்தில் முதியவர் தற்கொலை செய்து கொண்டார்.

பாலிடெக்னிக் கல்லூரி

திருச்சியை அடுத்த திருவெறும்பூர் அருகே உள்ள துவாக்குடி அண்ணா வளைவு பகுதியில் அரசு பாலிடெக்னிக் கல்லூரி உள்ளது. இந்த கல்லூரி வளாகத்திற்குள் உள்ள ஒரு மரத்தில் அடையாளம் தெரியாத சுமார் 65 வயது மதிக்கத்தக்க முதியவர் ஒருவர் தூக்கிட்டு தற்கொலை செய்து கொண்டார்.

இதுகுறித்து துவாக்குடி போலீசாருக்கு தகவல் தெரிவிக்கப்பட்டது. தகவலின் பேரில் சம்பவ இடத்திற்கு விரைந்து சென்ற போலீசார் முதியவரின் உடலை கைப்பற்றி பிரேத பரிசோதனைக்காக துவாக்குடி அரசு மருத்துவமனைக்கு அனுப்பி வைத்தனர்.

விசாரணை

மேலும் இச்சம்பவம் குறித்து வழக்குப்பதிவு செய்து இறந்தவர் யார்? எந்த ஊரை சேர்ந்தவர்? எதற்காக இங்கு வந்தார்? என பல்வேறு கோணங்களில் விசாரணை நடத்தி வருகின்றனர்.