அடையாளம் தெரியாத வாகனம் மோதி முதியவர் பலி

சிவகாசி,

சாத்தூர் தாலுகாவில் உள்ள கொல்லம்பட்டி கிராம நிர்வாக அலுவலர் தர்மசுந்தர். இவர் சம்பவத்தன்று அலுவலக பணியில் ஈடுபட்டிருந்த போது சாத்தூர்-கோவில்பட்டி ரோட்டில் சடையம்பட்டி பகுதியில் அடையாளம் தெரியாத வாகனம் மோதி 60 வயது முதியவர் பரிதாபமாக இறந்தார். இதுகுறித்து கிராம நிர்வாக அலுவலர் சாத்தூர் தாலுகா போலீசில் புகார் கொடுத்தார். அந்த புகாரின் பேரில் போலீசார் சம்பவ இடத்துக்கு விரைந்து வந்து முதியவரின் உடலை கைப்பற்றி இறந்தவர் யார்? எந்த பகுதியை சேர்ந்தவர்? என தாலுகா போலீசார் விசாரணை நடத்தி வருகின்றனர்.