வேன் மோதி முதியவர் படுகாயம்

ஆறுமுகநேரி:

ஆத்தூர் முஸ்லிம் பெரிய தெருவை சேர்ந்தவர் ஜமால்தீன் (வயது 65). இவர் நேற்று காலையில் தாமிரபரணி ஆற்றில் குளிப்பதற்காக ஆத்தூர் பஜாரில் நடந்து சென்றுள்ளார். அப்பொழுது அந்த வழியாக வந்த வேன் ஒன்று மோதியதில் ஜமால்தீன் பலத்த காயமடைந்தார். உறவினர்கள் அவரை மீட்டு

ஆத்தூரிலுள்ள தனியார் மருத்துவமனையில் சேர்த்தனர். அங்கு அவர் தீவிர சிகிச்சை பெற்று வருகிறார். இதுகுறித்த புகாரின் பேரில் ஆத்தூர் போலீஸ் சப்-இன்ஸ்பெக்டர் மாணிக்கராஜ் வழக்குப்பதிவு செய்து வேனை ஓட்டிவந்த காயல்பட்டினம் சீதக்காதி நகரை சேர்ந்த சையது இஸ்மாயில் மகன் காஜா முகைதீனை( 37) கைது செய்து விசாரித்து வருகிறார்.