மின்சாரம் தாக்கி எலக்ட்ரீசியன் பலி

சுவாமிமலை அருகே உள்ள திருப்புறம்பியம் மாதா கோவில் தெருவை சேர்ந்தவர் ராஜா (வயது 45).எலக்ட்ரீசியன். இவர் நேற்று மாலை 6 மணி அளவில் திருப்புறம்பியம் அருகே ஆலமன்குறிச்சி மெயின் ரோட்டில் உள்ள ஒருவரது வீட்டில் எலக்ட்ரீசியன் வேலை பார்த்துள்ளார். அப்போது மேலே சென்ற மின்சார ஒயரில் ராஜா கைப்பட்டதால் மின்சாரம் தாக்கி அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த சுவாமிமலைபோலீஸ் இன்ஸ்பெக்டர் செந்தில்குமார் மற்றும் போலீசார் சம்பவ இடத்துக்கு சென்று ராஜாவின் உடலை மீட்டு பிரேத பரிசோதனைக்காக கும்பகோணம் அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.