வீடுபுகுந்துதாய், மகன் மீது தாக்குதல் :2 வாலிபர்கள் கைது

சாத்தான்குளம்:

சாத்தான்குளம் ஆர்.சி. வடக்கு தெருவை சேர்ந்த முருகன் மகன் பாண்டித்துரை (வயது 21). இவருக்கும், வடக்கு அமுதுண்ணாகுடியை சேர்ந்த ராமச்சந்திரன் மகன் ராஜன் (27) என்பவருக்கும் இடையே முன்விரோதம் இருந்து வருகிறது.

இந்நிலையில் கடந்த 15-ந் தேதி ராஜனும், ஆர்.சி. வடக்குதெரு செல்லப்பாண்டி மகன் அந்தோணி மகிமைராஜன் (33) ஆகிய இருவரும் திடீரென்று பாண்டித்துரை வீட்டிற்குள் புகுந்துள்ளனர். அங்கிருந்த பாண்டித்துரையை அவர்கள் சரமாரியாக தாக்கினர். இதனை கண்டித்த அவரது தாயார் பார்வதியையும் (45) அவர்கள் அடித்து உதைத்தனர். இதில் காயமடைந்த இருவரும் சாத்தான்குளம் அரசு மருத்துவமனையில் சேர்க்கப்பட்டு சிகிச்சை பெற்று வருகின்றனர். இதுகுறித்த புகாரின்பேரில் சாத்தான்குளம் போலீஸ் சப்-இன்ஸ்பெக்டர் சுரேஷ்குமார், ஏட்டு ஜெயஸ்ரீ ஆகியோர் வழக்குப்பதிவு செய்து ராஜன் உள்ளிட்ட 2பேரையும் கைது செய்தனர்.