சமத்துவ மக்கள் கட்சியினர் ஆர்ப்பாட்டம்

புதுக்கோட்டை அரசு மருத்துவக்கல்லூரி மருத்துவமனை முன்பு சமத்துவ மக்கள் கட்சி சார்பில் இன்று ஆர்ப்பாட்டம் நடைபெற்றது. இந்த ஆர்ப்பாட்டத்திற்கு மாவட்ட செயலாளர் முகமது கனி தலைமை தாங்கினார். அரசு மருத்துவக்கல்லூரி மருத்துவமனையில் அடிப்படை வசதிகளை மேம்படுத்த வேண்டும். சி.டி.ஸ்கேன் அறிக்கை விரைவில் கிடைக்க நடவடிக்கை எடுக்க வேண்டும், இருசக்கர வாகனங்கள் நிறுத்துமிடத்தில் வாகனங்கள் திருட்டு போவதை தடுக்க கண்காணிப்பு கேமராக்கள் பொருத்த வேண்டும் உள்ளிட்ட கோரிக்கைகளை வலியுறுத்தி ஆர்ப்பாட்டம் நடைபெற்றது. ஆர்ப்பாட்டத்தின் போது கோரிக்கைகள் தொடர்பான கோஷங்களை எழுப்பினர். ஆர்ப்பாட்டத்தில் நிர்வாகிகள் பலர் கலந்து கொண்டனர்.