டிரைவரிடம் பணம் பறிப்பு; வாலிபர் பிடிபட்டார்

நெல்லை பாளையங்கோட்டை எம்.கே.பி. நகர் அம்பேத்கர்நகரை சேர்ந்தவர் தளவாய் (வயது 41). டிரைவர். இவர் நேற்று முன்தினம் வி.எம்.சத்திரம் பஸ் நிறுத்தத்தில் நின்றுகொண்டு இருந்தார். அப்போது அங்கு வந்த மர்மநபர் ஒருவர் தளவாயிடம் மதுகுடிக்க பணம் கேட்டார். அதற்கு அவர் மறுத்துள்ளார். இதனால் ஆத்திரம் அடைந்த அந்த நபர் கத்தியை காட்டி மிரட்டி தளவாயிடம் இருந்து ரூ.300-ஐ பறித்துள்ளார்.

இதுகுறித்து தளவாய் பெருமாள்புரம் போலீஸ் நிலையத்தில் புகார் செய்தார். அதன்பேரில் போலீசார் நடத்திய விசாரணையில், பாளையங்கோட்டை கே.டி.சி. நகர் பால்பண்ணை பகுதியை சேர்ந்த முத்துஇசக்கி (23) என்பவர் பணம் பறித்தது தெரியவந்தது. இதனையடுத்து அவரை போலீசார் கைது செய்தனர்.