விஷம் குடித்து விவசாயி தற்கொலை

ராஜபாளையம்,

ராஜபாளையம் அருகே உள்ள ஆர்.ரெட்டியபட்டி கிராமத்தை சேர்ந்தவர் பரமசிவம் (வயது50), விவசாயி. இவருக்கு மது அருந்தும் பழக்கம் உள்ளதாக கூறப்படுகிறது. இதனை அவரது மனைவி கண்டித்துள்ளார். இதனால் மனவேதனையில் இருந்த அவர் பூச்சிக்கொல்லி மருந்தை (விஷம்) குடித்ததாக கூறப்படுகிறது. உடனே அவரை மீட்டு ஸ்ரீவில்லிபுத்தூர் அரசு மருத்துவமனைக்கு சிகிச்சைக்காக கொண்டு சென்றனர். இந்தநிலையில் அவர் சிகிச்சை பலனின்றி இறந்தார். இதுகுறித்து கீழராஜகுலராமன் போலீசார் வழக்குப்பதிவு செய்து விசாரணை நடத்தி வருகின்றனர்.