விஷம் குடித்து விவசாயி தற்கொலை

விஷம் குடித்து விவசாயி தற்கொலை செய்து கொண்டார்.

கீழ்பென்னாத்தூர் தாலுகா ஆனந்தல் கிராமம் கோபுரவடை பகுதியை சேர்ந்தவர் சண்முகம் (வயது 55), விவசாயி. இவருக்கு திருமணமாகி 2 மகன்கள் உள்ளனர். சண்முகம் அடிக்கடி மது குடித்து விட்டு வீட்டிற்கு வந்ததாக கூறப்படுகிறது. சம்பவத்தன்று அவர் வழக்கம் போல் குடித்து விட்டு வந்ததால் கணவன் - மனைவிக்கு இடையே தகராறு ஏற்பட்டதாக கூறப்படுகிறது.

இதனால் விரக்தி அடைந்த அவர் வீட்டில் இருந்த விஷத்தை குடித்து விட்டார். மயங்கிய நிலையில் இருந்த அவரை அக்கம்பக்கத்தினர் மீட்டு சிகிச்சைக்காக திருவண்ணாமலை அரசு மருத்துவனைக்கு அழைத்து சென்றனர். பின்னர் மேல் சிகிச்சைக்காக வேலூரில் உள்ள தனியார் மருத்துவமனையில் சேர்க்கப்பட்டார். அங்கு அவர் சிகிச்சை பலனின்றி உயிரிழந்தார். இது குறித்த புகாரின் பேரில் மங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.