மயிலம் அருகேமின்னல் தாக்கி விவசாயி சாவு

விக்கிரவாண்டி,

மயிலம் அருகே நெடி கிராமத்தை சேர்ந்தவர் அண்ணாமலை (வயது 70), விவசாயி. இவர் நேற்று தனது வயலில் மணிலா அறுவடையில் ஈடுபட்டுக்கொண்டிருந்தார்.

அப்போது காலை 11.30 மணி அளவில் அங்கு திடீரென இடி, மின்னலுடன் கூடிய பலத்த மழை பெய்ய தொடங்கியது. அப்போது திடீரென அண்ணாமலை மீது மின்னல் தாக்கியது.

இதில் காயம் அடைந்த அவரை அருகில் இருந்தவர்கள் மீட்டு சிகிச்சைக்காக முண்டியம்பாக்கம் அரசு மருத்துவக்கல்லூரி ஆஸ்பத்திரிக்கு கொண்டு சென்றனர். அங்கு பரிசோதனை செய்த டாக்டர்கள், அவர் ஏற்கனவே இறந்து விட்டதாக தெரிவித்தனர்.

இதுகுறித்த புகாரின், பேரில் பெரியதச்சூர் போலீசார் விசாரணை நடத்தி வருகின்றனர்.