மோட்டார் சைக்கிள் விபத்தில் விவசாயி பலி

வேலூர் மாவட்டம் சீதாபுரம் பகுதியை சேர்ந்தவர் சரவணன் (வயது 36), விவசாயி. இவர் மாதனூரில் இருந்து வேலூர் நோக்கி சர்வீஸ் ரோடில் மோட்டார் சைக்கிளில் சென்று கொண்டிருந்தார். அப்போது திடீரென நிலைதடுமாறி சாலையில் இருந்த இரும்பு தடுப்பு மீது மோதி சம்பவ இடத்திலேயே பரிதாபமாக உயிரிழந்தார்.

இதுகுறித்து தகவலறிந்த ஆம்பூர் தாலுகா போலீசார் சன்று சரவணன் உடலை மீட்டு பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர்.மேலும் விபத்து குறித்து விசாரணை நடத்தி வருகின்றனர்.