மின்சாரம் தாக்கி விவசாயி பலி

திருப்பத்தூர் அருகே மின்சாரம் தாக்கி விவசாயி பலியானார்.

திருப்பத்தூர் தாலுகா சின்னபசலிகுட்டை பகுதியை சேர்ந்தவர் சின்னகண்ணு (வயது 55), விவசாயி. இவர், நேற்று அதிகாலையில் வீட்டிற்கு வெளியே வந்த போது மின்சார கம்பி கீழே இருப்பதை கவனிக்காமல் ஏதோ வயர் அறுந்து உள்ளதாக நினைத்து கையில் எடுத்து போது மின்சாரம் தாக்கி சம்பவ இடத்திலேயே பரிதாபமாக உயிரிழந்தார்.

இதுகுறித்து தகவல் அறிந்ததும் தாலுகா போலீசார் சம்பவ இடத்துக்கு சென்று உடலை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர்.

மேலும் இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.மின்சாரம் தாக்கி விவசாயி பலி