கார் மோதி விவசாயி பலி

கன்னிவாடியை சேர்ந்தவர் ராஜசேகரன் (வயது 40). பண்ணைப்பட்டியை சேர்ந்தவர் பிரவீன் (40). விவசாயி. நேற்று இவர்கள் இருவரும் திண்டுக்கல்லில் இருந்து மோட்டார்சைக்கிளில் பண்ணைப்பட்டிக்கு சென்று கொண்டிருந்தனர். மோட்டார்சைக்கிளை ராஜசேகரன் ஓட்டினார். பின்னால் பிரவீன் அமர்ந்திருந்தார். தி்ண்டுக்கல்-பழனி சாலையில் மாங்கரை பிரிவு அருகே வந்தபோது, பின்னால் வந்த கார் இவா்களது மோட்டார்சைக்கிள் மீது மோதியது.

இதில் தூக்கி வீசப்பட்டதில் 2 பேரும் படுகாயம் அடைந்தனர். அக்கம்பக்கத்தினர் அவர்களை மீட்டு சிகிச்சைக்காக திண்டுக்கல் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி பிரவீன் பரிதாபமாக இறந்தார். ராஜசேகரனுக்கு சிகிச்சை அளிக்கப்பட்டு வருகிறது. இதுகுறித்து ரெட்டியார்சத்திரம் போலீஸ் சப்-இன்ஸ்பெக்டர் சரவணகுமார், காரை ஓட்டி வந்த திண்டுக்கல் முத்தழகுபட்டியை சேர்ந்த அந்தோணிசாமி (36) என்பவர் மீது வழக்குப்பதிந்து அவரை கைது செய்து விசாரணை நடத்தி வருகிறார்.