மோட்டார்சைக்கிள் மோதி விவசாயி பலி

நாட்டறம்பள்ளி

மோட்டார்சைக்கிள் மோதி விவசாயி பலியானார்.

நாட்டறம்பள்ளியை அடுத்த மல்லப்பள்ளி அன்னசாகரம் பகுதியைச் சேர்ந்தவர் சீனிவாசன் (வயது 60). விவசாயி. நேற்று முன்தினம் இரவு ஏரியூர் அருகே சாலையில் நடந்து சென்று கொண்டிருந்தபோது புதுப்பேட்டை பகுதியில் இருந்து வெலக்கல்நத்தம் நோக்கி சென்ற மோட்டார் சைக்கிள் இவர் மீது மோதியது. இதில் படகாயம் அடைந்த சீனிவாசன் சம்பவ இடத்திலேயே பரிதாபமாக இறந்தார்.

இது குறித்து நாட்டறம்பள்ளி போலீஸ் இன்ஸ்பெக்டர் சாந்தி சப்- இன்ஸ்பெக்டர் முனிரத்தினம் மற்றும் போலீசார் சம்பவ இடத்திற்கு சென்று சீனிவாவசனின் உடலை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர். விபத்துக்கு காரணமான அக்ராவரம் பகுதியைச் சேர்ந்த புகழேந்தி மீது போலீசார் வழக்குப்பதிவு செய்து விசாரணை நடத்தி வருகின்றனர்.