தொழிலாளியை தாக்கிய தந்தை-மகன் கைது

வடமதுரை ெரயில் நிலைய சாலை, திடீர் நகரை சேர்ந்தவர் ரமேஷ்பாபு (வயது 50). கூலித்தொழிலாளி. இவர் வீட்டுக்கு அருகே வசிப்பவர் முருகன் (63). இவர் ரமேஷ்பாபுவின் வீட்டின் அருகே எச்சில் துப்பியதாக கூறப்படுகிறது. இதைக்கண்ட ரமேஷ்பாபு முருகனிடம் தட்டி கேட்டுள்ளார். இதனால் ஆத்திரமடைந்த முருகன் மற்றும் அவரது மகன் வீரபாகு என்ற குட்டி (23) ஆகிய இருவரும் சேர்ந்து ரமேஷ்பாபுவை தாக்கினர். அப்போது ரமேஷ்பாபுவின் உறவினரான மற்ெறாரு முருகன் அவர்களை தடுக்க முயன்றார். அவரையும் தாக்கி கொலைமிரட்டல் விடுத்ததாக தெரிகிறது. இதில் காயமடைந்த ரமேஷ்பாபு, மற்றொரு முருகன் ஆகிய இருவரும் திண்டுக்கல் அரசு ஆஸ்பத்திரியில் சிகிச்சைக்கு சேர்க்கப்பட்டனர். இந்த சம்பவம் குறித்து ரமேஷ்பாபு கொடுத்த புகாரின் பேரில் வடமதுரை போலீஸ் சப்-இன்ஸ்பெக்டர் கிருஷ்ணவேணி வழக்குப்பதிவு செய்து முருகன், வீரபாகு ஆகியோரை கைது செய்தார்.