பெண் மாயம்

கடவூர் வட்டம், கஸ்தூரி குரும்பபட்டியை சேர்ந்தவர் ராமராஜன் (வயது 30). இவரது மனைவி கலைச்செல்வி (25). இந்த தம்பதிக்கு 6 வயதில் ஒரு மகள் உள்ளார். கலைச்செல்வி சம்பவத்தன்று காலையில் தான் வேலை பார்த்த வடமதுரை மில்லுக்கு சென்று பி.எப். பணம் வாங்கி வருவதாகக் கூறி சென்றவர் மாலை வெகு நேரமாகியும் வீட்டிற்கு வரவில்லை. இதையடுத்து உறவினர் வீடு மற்றும் பல்வேறு இடங்களில் தேடியும் கலைச்செல்வி கிடைக்கவில்லை. இதுகுறித்து ராமராஜன் கொடுத்த புகாரின்பேரில், பாலவிடுதி போலீசார் வழக்குப்பதிவு செய்து விசாரணை நடத்தி வருகின்றனர்.