பெண் பலி; கணவர் படுகாயம்

ஸ்ரீவில்லிபுத்தூர்,

ஈரோடு மாவட்டம் கோபிசெட்டிபாளையத்தை சேர்ந்தவர் சரவணராஜ் (வயது 29). இவரது மனைவி ஹரிபிரியா(28). இவர்கள் 2 பேரும் தனது உறவினர்களுடன் கோபிசெட்டிபாளையத்தில் இருந்து காரில் திருமண விழாவிற்காக கடையநல்லூர் சென்றனர். அப்போது ஸ்ரீவில்லிபுத்தூர்-மதுரை சாலையில் கிருஷ்ணன்கோவில் அருகே செல்லும் போது நின்ற லாரியின் மீது கார் மோதியது. இந்த விபத்தில் சரவணராஜ், ஹரிபிரியா ஆகிய 2 பேரும் படுகாயம் அடைந்தனர். உடனே அவரை அருகில் இருந்தவர்கள் மீட்டு சிகிச்சைக்காக ஸ்ரீவில்லிபுத்தூர் அரசு மருத்துவமனையில் சேர்த்தனர். அங்கு சிகிச்சை பலனின்றி ஹரிபிரியா பரிதாபமாக இறந்தார். இந்த சம்பவம் குறித்து கிருஷ்ணன்கோவில் போலீசார் வழக்குப்பதிவு செய்து விசாரணை நடத்தி வருகின்றனர்.