நாமக்கல்லில்ஸ்கூட்டரில் இருந்து தவறி விழுந்த பெண் பலி

நாமக்கல் சந்தைபேட்டைபுதூரை சேர்ந்தவர் முத்துக்குமார். இவரது மனைவி முத்துலட்சுமி (வயது56). இவர் தனது தோழி இந்திராணி என்பவருடன் ஸ்கூட்டரில் பின்னால் அமர்ந்து பயணம் செய்தார். இவர்களது வாகனம் அங்குள்ள வேகத்தடையில் ஏறி, இறங்கியபோது இந்திராணி திடீரென பிரேக் பிடித்ததாக கூறப்படுகிறது.

இதில் நிலைதடுமாறி கீழே விழுந்த முத்துலட்சுமி படுகாயம் அடைந்தார். அவரை அக்கம்பக்கத்தில் உள்ளவர்கள் மீட்டு நாமக்கல் அரசு மருத்துவக்கல்லூரி மருத்துவமனையில் சேர்த்தனர். இங்கு அவரை பரிசோதனை செய்த டாக்டர்கள் முத்துலட்சுமி வரும் வழியிலேயே இறந்து விட்டதாக கூறினர். இந்த விபத்து குறித்து முத்துக்குமார் கொடுத்த புகாரின் பேரில் நாமக்கல் போலீசார் வழக்குப்பதிவு செய்து விசாரணை நடத்தி வருகின்றனர்.