ஆடுகள் வாங்க நிதி உதவி

திருப்புவனம்

திருப்புவனம் ஒன்றிய பகுதிகளில் உள்ள கிராம மக்களுக்கு தமிழக அரசின் கால்நடை பராமரிப்புத்துறை சார்பில் ஆடுகள் வளர்க்கும் திட்டத்தில் தேர்வு செய்யப்பட்ட பயனாளிகளுக்கு தலா ரூ.17,500 வீதம் வழங்கி ஆடுகள் வாங்கி வளர்க்க செய்யும் நிகழ்ச்சி திருப்புவனம் சந்தையில் நடைபெற்றது. திருப்புவனம் பேரூராட்சி தலைவர் சேங்கைமாறன் தலைமை தாங்கினார்‌. யூனியன் தலைவர் சின்னையா முன்னிலை வகித்தார். தமிழரசி எம்.எல்.ஏ., ஆடுகள் வாங்கி வளர்க்க தலா ரூ.17,500 வீதம் வழங்கினார்.. இதுபோல் 100 பேருக்கு மொத்தம் ரூ.17.50 லட்சம் வழங்கி ஆடுகள் வாங்கி கொடுக்கப்பட்டது. நிகழ்ச்சியில் பேரூராட்சி செயல் அலுவலர் ஜெயராஜ், கால்நடை உதவி இயக்குனர் சரவணன், கால்நடை ஆய்வாளர் பால் கண்ணன், கால்நடை மருத்துவர்கள் சித்தார்த்தன், முருகேசன், முகுந்தன், பவித்ரன் உள்பட பலர் கலந்து கொண்டனர்.