வன விலங்குகளை வேட்டையாட சென்றவருக்கு அபராதம்

பாப்பிரெட்டிப்பட்டி:

பாப்பிரெட்டிப்பட்டி சேர்வராயன் வடக்கு சரக வனச்சரக அலுவலர் பரசுராமமூர்த்தி தலைமையிலான வனத்துறையினர் வனப்பகுதியில் தீவிர ரோந்து பணியில் ஈடுபட்டனர். அப்போது ஏற்காடு மலை அடிவாரம் ஏரிமலை காப்புக்காடு பகுதியில் வலையுடன் சுற்றித்திரிந்தவரை பிடித்து விசாரித்தனர். அப்போது அவர் சேலம் மாவட்டம் காடையாம்பட்டி தாலுகா, செத்தபாளையத்தை சேர்ந்த மாது (வயது 53) என்பதும், வனப்பகுதியில் விலங்குகளை வேட்டையாட வலையுடன் சுற்றித்திரிந்ததும் தெரியவந்தது. இதையடுத்து அவர் மீது வழக்குப்பதிவு செய்த வனத்துறையினர் ரூ.25 ஆயிரம் அபராதம் விதித்தனர்.