தர்மபுரியில் சரக்கு வேனில் திடீர் தீ

தர்மபுரி:

தர்மபுரி அரசு கலைக் கல்லூரி அருகே நேற்று ஒரு சரக்கு வேன் சென்று கொண்டிருந்தது. அப்போது அந்த வேனின் முன்பகுதியில் இருந்து கரும்புகை வெளியேற தொடங்கியது. இந்தநிலையில் வேனில் திடீரென தீப்பிடித்தது. இதனால் அந்த சரக்கு வேனை அருகே உள்ள மைதானத்தில் டிரைவர் நிறுத்திவிட்டு, அங்கிருந்து தப்பினார். இதுகுறித்து தகவல் அறிந்த சிறிது நேரத்தில் அங்கு தர்மபுரி தீயணைப்பு படையினர் சென்றனர். அவர்கள் தண்ணீரை பீய்ச்சி அடித்து சரக்கு வேனில் பற்றிய தீயை அணைத்தனர். வேன் திடீரென தீப்பிடித்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது.