மின் கம்பிகள் மீது உரசியதால் வைக்கோல் ஏற்றி வந்த லாரியில் தீப்பிடித்தது

பாப்பிரெட்டிப்பட்டி:

மொரப்பூரை அடுத்த கர்த்தாங்குளத்தை சேர்ந்தவர் ஆறுமுகம் (வயது 35). இவர் நேற்று வைக்கோல் கட்டுகளை ஏற்றி கொண்டு நாகலூர் கிராமத்துக்கு சென்றார். அங்கு அரூர்-சேலம் சாலையில், அந்த வழியாக சென்ற மின் கம்பிகள் வைக்கோல் கட்டுகள் மீது உரசியது. இதனால் வைக்கோல் கட்டுகளில் தீப்பிடித்தது. ஆறுமுகம் உடனடியாக லாரியை நிறுத்தி விட்டு, அரூர் தீயணைப்பு நிலையத்துக்கு தகவல் தெரிவித்தார். தீயணைப்பு வீரர்கள் விரைந்து சென்று, தீயை அணைத்தனர். ஆனால் வைக்கோல் கட்டுகள் மற்றும் லாரி தீயில் சேதமானது.