பழக்கடையில் தீ விபத்து

தொண்டி,

தொண்டி அருகே உள்ள நம்புதாளையில் பழக்கடை ஒன்றில் திடீர் தீ விபத்து ஏற்பட்டது. இதே போல் தொண்டி பெரிய பள்ளிவாசல் பகுதியில் உள்ள குப்பை கிடங்கில் திடீர் தீ விபத்து ஏற்பட்டது. காற்றின் வேகம் அதிகமாக இருந்ததால் தீ மேலும் பரவி அருகே இருந்த கடைகளில் பற்றும் அபாயம் இருந்தது. இது குறித்து திருவாடானை தீயணைப்பு நிலையத்திற்கு தகவல் கொடுக்கப்பட்டது. அதன்பேரில் நிலைய அலுவலர் வீரபாண்டி தலைமையில் தீயணைப்பு வீரர்கள் சம்பவ இடங்களுக்கு சென்று தீயை அணைத்தனர்.