மோட்டார் சைக்கிளில் இருந்து தவறி விழுந்த மீனவர் பலி

கொல்லங்கோடு:

நாய் குறுக்கே பாய்ந்ததால் மோட்டார் சைக்கிளில் இருந்து தவறி விழுந்த மீனவர் பலியானார்.

கொல்லங்கோடு நீரோடி அருகே உள்ள தோணித்துறை விளாகம் பகுதியை சேர்ந்தவர் ஜோஸ் (வயது50), மீனவர். இவர் நேற்று முன்தினம் கொல்லங்கோடு அருகே உள்ள புன்னமூட்டுகடை சந்திப்பு பகுதியில் மோட்டார் சைக்கிளில் சென்று கொண்டிருந்தார். அப்போது திடீரென ஒரு நாய் குறுக்கே பாய்ந்தது. இதனால் ஜோஸ் திடீரென பிரேக் போட்டார். இதில் மோட்டார் சைக்கிள் நிலைதடுமாறி கீழே சரிந்து விழுந்து ஜோஸ் படுகாயம் அடைந்தார். அவரை அருகில் நின்றவர்கள் மீட்டு குழித்துறை அரசு மருத்துவமனையில் சிகிச்சைக்காக கொண்டு சென்றனர். அங்கு அவரை பரிசோதனை செய்த டாக்டர்கள் அவர் ஏற்கனவே இறந்து விட்டதாக தெரிவித்தனர். இது சம்பந்தமாக அவருடைய மகன் சுபின் (24) கொடுத்த புகாரின் அடிப்படையில் கொல்லங்கோடு போலீசார் வழக்குப்பதிவு செய்து விசாரணை நடத்தி வருகின்றனர்.