பயிர் காப்பீடு வசதிக்காக கூட்டுறவு கடன் சங்கங்கள் இன்றும், நாளையும் இயங்கும்

தேனி மண்டல கூட்டுறவு சங்கங்களின் இணைப்பதிவாளர் ஆரோக்கியசுகுமார் வெளியிட்டுள்ள செய்திக்குறிப்பில் கூறப்பட்டுள்ளதாவது:-

தேனி மாவட்டத்தில் உள்ள அனைத்து தொடக்க வேளாண்மை கூட்டுறவு கடன் சங்கங்களிலும் விவசாயிகளுக்கு பயிர் காப்பீட்டுக்கான பிரீமியம் தொகை செலுத்தும் வசதி செய்யப்பட்டுள்ளது. இங்கு விவசாயிகள் பயிர்க்காப்பீடு பிரீமியத் தொகை செலுத்தும் வகையில் இன்று (சனிக்கிழமை), நாளை (ஞாயிற்றுக்கிழமை) ஆகிய 2 நாட்களும் வேலை நாட்களாக அறிவிக்கப்பட்டுள்ளது. எனவே இதனை விவசாயிகள் பயன்படுத்திக் கொள்ளலாம்.

இவ்வாறு அதில் கூறப்பட்டுள்ளது.