முன்னாள் ஊராட்சி தலைவர் பலி

நத்தம் அருகே ஊராளிபட்டியை சேர்ந்தவர் ராமன் (வயது 68). முன்னாள் ஊராட்சி தலைவர். இவர் மாவட்ட முன்னாள் தி.மு.க. பிரதிநிதி ஆவார். இந்நிலையில் நேற்று முன்தினம் இரவு ராமன் மொபட்டில் நத்தம் நோக்கி சென்று கொண்டிருந்தார். அப்போது நத்தம் சாலையில் அப்பாஸ்புரம் பிரிவு பகுதியில் வந்தபோது நின்று கொண்டிருந்த டிராக்டர் மீது மொபட் மோதியது. இதில் பலத்த காயமடைந்த அவரை அக்கம் பக்கத்தினர் மீட்டு சிகிச்சைக்காக நத்தம் அரசு ஆஸ்பத்திரியில் சேர்த்தனர். பின்னர் மேல்சிகிச்சைக்காக அவர் மதுரைக்கு கொண்டு சென்றனர். ஆனால் செல்லும் வழியிலேயே ராமன் பரிதாபமாக உயிரிழந்தார். இதுகுறித்து நத்தம் போலீசார் வழக்குப்பதிவு செய்து விசாரணை நடத்தி வருகின்றனர்.