இலவச ஆடுகள் வழங்கும் திட்டம்

திருப்பத்தூர் மாவட்டம், ஜோலார்பேட்டை ஒன்றியத்தில் தமிழக அரசு சார்பில் இலவச ஆடுகள் வழங்கும் திட்டத்தின் கீழ் ஏழை, எளிய ஆதரவற்ற 100 பயனாளிகள் தேர்வு செய்யப்பட்டு தலா 5 ஆடுகள் வழங்கும் நிகழ்ச்சி சந்தைக்கோடியூர் பகுதியில் நடைபெற்றது.

இதில் திருப்பத்தூர் மாவட்ட தி.மு.க. பொறுப்பாளரும், ஜோலார்பேட்டை தொகுதி எம்.எல்.ஏ.வுமான க.தேவராஜி சிறப்பு அழைப்பாளராக கலந்து கொண்டு முதல் கட்டமாக 25 பயனாளிகளுக்கு இலவச ஆடுகளை வழங்கி பேசினார். ஜோலார்பேட்டை மேற்கு ஒன்றிய பொறுப்பாளர் எஸ்.கே.சதிஷ்குமார், ஜோலார்பேட்டை நகர செயலாளர் ம. அன்பழகன், மற்றும் கால்நடைத்துறை அதிகாரிகள், உள்ளாட்சி பிரதிநிதிகள் உள்ளிட்ட பலர் கலந்து கொண்டனர்.