பொதுக்குழு கூட்டம்

சாயல்குடி,

சாயல்குடியில் ராமநாதபுரம் தெற்கு மாவட்ட தமிழக முஸ்லிம் முன்னேற்ற கழகம் மற்றும் மனிதநேய மக்கள் கட்சி பொதுக்குழு கூட்டம் நடைபெற்றது. இக்கூட்டத்திற்கு த.மு.மு.க. மாநில செயலாளர் சலிமுல்லாஹ்கான், மனிதநேய மக்கள் கட்சி மாநில அமைப்பு செயலாளர் காதர் மைதீன் ஆகியோர் தலைமை தாங்கினார்கள். த.மு.மு.க. மாநில பிரதிநிதி சம்சுதீன் சேட் முன்னிலை வகித்தார். கூட்டத்தில் புதிய நிர்வாகிகள் தேர்வு செய்யப்பட்டனர். மாவட்ட தலைவராக வாவா ராவுத்தர், த.மு.மு.க. மாவட்ட செயலாளராக சமசுகனி, மனிதநேய மக்கள் கட்சி மாவட்ட செயலாளராக நஜிபுர் ரகுமான், மாவட்ட பொருளாளராக சாகுல் ஹமீது ஆகியோர் தேர்வு செய்யப்பட்டனர். புதிதாக தேர்வு செய்யப்பட்ட நிர்வாகிகளுக்கு கட்சி நிர்வாகிகள் வாழ்த்து தெரிவித்தனர். முடிவில் சாயல்குடி த.மு.மு.க. நகர் தலைவர் ஜாபர் அலி நன்றி கூறினார்.