பழனி முருகன் கோவிலில் மத்திய இணை மந்திரி எல்.முருகன் சாமி தரிசனம்

தமிழக பா.ஜ.க. நிர்வாகிகளுக்கான 3 நாட்கள் பயிற்சி முகாம் நேற்று பழனியில் தொடங்கியது. இதில் பா.ஜ.க. உயர்மட்ட தலைவர்கள் மற்றும் தமிழகத்தின் பல்வேறு பகுதிகளில் இருந்து நிர்வாகிகள் பங்கேற்று வருகின்றனர். முகாமின் 2-வது நாளான இன்று மத்திய தகவல் ஒலிபரப்புத்துறை மற்றும் மீன்வளத்துறை இணை மந்திரி எல்.முருகன் சிறப்பு விருந்தினாக கலந்துகொண்டு பேசினார்.

முன்னதாக அவர், பழனி முருகன் கோவிலுக்கு சென்று தரிசனம் செய்தார். இதற்காக அடிவாரத்தில் இருந்து மின்இழுவை ரெயில் மூலம் எல்.முருகன், மலைக்கோவிலுக்கு சென்று முருகப்பெருமானை தரிசனம் செய்தார். இதையடுத்து மீண்டும் மின்இழுவை ரெயில் மூலம் அவர் அடிவாரத்துக்கு வந்தார். பின்னர் அங்கிருந்து அவர் பயிற்சி முகாமிற்கு சென்றார்.