அங்கன்வாடி மையத்துக்கு கல்வி சீர்வரிசை வழங்கும் நிகழ்ச்சி

திருவாரூர் மாவட்டம் திருத்துறைப்பூண்டி ஒன்றியம் நெடும்பலம் ஊராட்சியில் அங்கன்வாடி மையத்துக்கு மகளிர் சுய உதவிக்குழு சார்பாக கல்வி சீர்வரிசை பொருட்கள் வழங்கும் நிகழ்ச்சி நடந்தது. நிகழ்ச்சிக்கு ஊராட்சி மன்ற தலைவர் பழனி தலைமை தாங்கினார். ஊராட்சி மன்ற துணைத் தலைவர் சதீஷ்குமார் உள்ளிட்டோர் முன்னிலை வகித்தனர். மாரிமுத்து எம்.எல்.ஏ., ஒன்றியக்குழு தலைவர் பாஸ்கர், குழந்தை வளர்ச்சி திட்ட அலுவலர் வசுமதி, வட்டார திட்ட ஒருங்கிணைப்பாளர் ராஜவேந்தன் மற்றும் பலர் கலந்து கொண்டனர். நெடும்பலம் ஊராட்சி மன்ற அலுவலகத்தில் இருந்து சீர்வரிசை பொருட்கள் ஊர்வலமாக எடுத்து செல்லப்பட்டு, அங்கன்வாடி மையத்தில் வழங்கப்பட்டது.