ஒட்டன்சத்திரம் அருகே கார் மோதி சிறுமி பலி

ஒட்டன்சத்திரம் அருகே மறுச்சிலம்பு பூலாம்பட்டியை சேர்ந்தவர் சக்திவேல். இவரது மனைவி முத்து. நேற்று முன்தினம் இவர், தனது மனைவி மற்றும் ராஜேஸ்வரி (வயது 7) என்ற மகளும், கார்த்திகேயன் (5) என்ற மகனுடன் ஒரு மோட்டார் சைக்கிளில் ஒட்டன்சத்திரம்-பழனி நான்கு வழிச்சாலையில் பெரியகரட்டுப்பட்டி பிரிவு அருகே ேராட்டை கடக்க முயன்றதாக கூறப்படுகிறது.

அப்போது பழனியில் இருந்து சென்னை நோக்கிச் சென்ற கார், மோட்டார் சைக்கிள் மோதியதில் 4 பேரும் பலத்த காயம் அடைந்தனர். அவர்களை அக்கம்பக்கத்தினர் மீட்டு சிகிச்சைக்காக தனியார் மருத்துவமனையில் சேர்த்தனர். இந்நிலையில் சிகிச்சை பலனின்றி ராஜேஸ்வரி நேற்று முன்தினம் இரவு இறந்துவிட்டார். இதுகுறித்து அம்பிளிக்கை போலீசார் வழக்குப்பதிவு செய்து விசாரணை நடத்தி வருகின்றனர்.