பொம்மிடி சந்தையில் ரூ.36 லட்சத்துக்கு ஆடுகள் விற்பனை

பாப்பிரெட்டிப்பட்டி:

தர்மபுரி மாவட்டம் பொம்மிடி அருகே வடசந்தையூரில் வாரந்தோறும் வியாழக்கிழமை ஆட்டு சந்தை நடைபெறுவது வழக்கம். இங்கு தர்மபுரி, கிருஷ்ணகிரி, சேலம் உள்ளிட்ட பிற மாவட்ட வியாபாரிகளும், உள்ளூர் விவசாயிகள், 500-க்கும் மேற்பட்டோர் ஆடுகளை விற்பனைக்காக கொண்டு வந்தனர். 5 கிலோ எடை கொண்ட ஆடு ரூ.5 ஆயிரம் முதல் எடைக்கு ஏற்ப அதிகபட்சமாக ரூ.20 ஆயிரம் வரையில் விற்பனை ஆனது. நூற்றுக்கும் மேற்பட்ட ஆடுகள் விற்பனை நடைபெற்றது. நேற்று நடைபெற்ற சந்தையில் ரூ.36 லட்சத்திற்கு ஆடுகள் விற்பனை நடைபெற்றதாக வியாபாரிகள் தெரிவித்தனர்.