லாரி மீது அரசு பஸ் மோதல்; 2 பேர் காயம்

விராலிமலை:

மதுரையிலிருந்து திருச்சிக்கு சுமார் 30 பயணிகளை ஏற்றிக்கொண்டு அரசு பஸ் ஒன்று இன்று காலை விராலிமலை அருகே மதுரை-திருச்சி தேசிய நெடுஞ்சாலையில் சென்று கொண்டிருந்தது. விராலிமலை தாலுகா ராமகவுண்டம்பட்டி பிரிவு சாலை அருகே பஸ் வந்த போது, முன்னால் சென்று கொண்டிருந்த லாரி மீது எதிர்பாராதவிதமாக பஸ் மோதியது. இதில் பஸ்சில் இருந்த திருச்சி மாவட்டம் துவரங்குறிச்சி அய்யனார்புரத்தை சேர்ந்த அழகர்சாமி (வயது 43), அதே ஊரை சேர்ந்த மாணிக்கம் (47) ஆகியோர் காயமடைந்தனர். மேலும் அரசு பஸ்சில் இருந்த மற்ற பயணிகள் அனைவரும் காயமின்றி அதிர்ஷ்டவசமாக உயிர்த்தப்பினர். தகவல் அறிந்த விராலிமலை போலீசார் சம்பவ இடத்திற்கு சென்று காயமடைந்த இருவரையும் மீட்டு சிகிச்சைக்காக விராலிமலை அரசு மருத்துவமனைக்கு அனுப்பி வைத்தனர். இதுகுறித்த புகாரின் பேரில் விராலிமலை போலீசார் பஸ் டிரைவர் மதுரை மாவட்டம் அன்னை மீனாட்சி நகரை சேர்ந்த சுரேஷ் என்பவர் மீது வழக்குப்பதிவு செய்து விசாரணை நடத்தி வருகின்றனர்.