பாளையங்கோட்டையில் 26-ந் தேதி, தபால் வாடிக்கையாளர்கள் குறைதீர்க்கும் கூட்டம்

பாளையங்கோட்டை தலைமை தபால் அலுவலகத்தில் வருகிற 26-ந் தேதி (திங்கட்கிழமை) காலை 11 மணிக்கு வாடிக்கையாளர்கள் குறைதீர்க்கும் கூட்டம் நடக்கிறது. நெல்லை கோட்டத்திற்கு உட்பட்ட நெல்லை, பாளையங்கோட்டை, அம்பை பகுதியை சேர்ந்த வாடிக்கையாளர்கள் கலந்து கொள்ளலாம். வாடிக்கையாளர்கள் தபால் பணிகள் குறித்து குறைகள், தபால் சேவை மேம்படுத்துவது தொடர்பான ஆலோசனைகளை உரிய விவரங்களுடன் தெரிவிக்க கேட்டுக்கொள்ளப்படுகிறார்கள்.

நேரில் வர முடியாத வாடிக்கையாளர்கள் dotirunelveli.tn@indiapost.gov.in என்ற முகவரியில் தங்கள் குறைகள் மற்றும் ஆலோசனைகளை வருகிற 22-ந் தேதிக்குள் அனுப்புமாறு கேட்டுக் கொள்ளப்படுகிறார்கள்.

இந்த தகவலை நெல்லை அஞ்சலக முதுநிலை கோட்ட கண்காணிப்பாளர் சிவாஜி கணேஷ் தெரிவித்துள்ளார்.