ரூ.30 லட்சத்திற்கு நிலக்கடலை ஏலம்

சேவூர்

சேவூர் ஒழுங்குமுறை விற்பனைக்கூடத்தில் இந்த வாரம் நடைபெற்ற ஏலத்தில் 940 மூட்டைகள் நிலக்கடலை விற்பனைக்கு கொண்டு வரப்பட்டிருந்தது. குவிண்டால் ஒன்றுக்கு முதல் ரக நிலக்கடலை ரூ.7,600 முதல் ரூ.7 ஆயிரத்து 900 வரையிலும், 2-வது ரக நிலக்கடலை ரூ.7 ஆயிரம் முதல் ரூ.7 ஆயிரத்து 250 வரையிலும், 3-வது ரக நிலக்கடலை ரூ.6 ஆயிரத்து 500 முதல் ரூ.6 ஆயிரத்து 900 வரையிலும் ஏலம் போனது. மொத்தம் ரூ.30 லட்சத்திற்கு ஏலம் நடைபெற்றது. இதில் 8 வியாபாரிகள், 85 விவசாயிகள் பங்கேற்றனர்.