தூக்குப்போட்டு தொழிலாளி தற்கொலை

பண்ருட்டி

பண்ருட்டி மாரியம்மன் கோவில் தெருவை சேர்ந்தவர் சதீஷ்குமார். இவருக்கு திருமணமாகி மணிமேகலை என்ற மனைவி, ஒரு மகள் ஆகியோர் உள்ளனர். வேலூர் மாவட்டம் வாணியம்பாடியில் உள்ள ஒரு தனியார் குடிநீர் தொழிற்சாலையில் வேலை பார்த்து வந்த சதீஷ்குமாருக்கு உடல் நலக்குறைவு ஏற்பட்டதை அடுத்து அவர் வேலைக்கு செல்லாமல் பண்ருட்டியில் உள்ள வீட்டில் இருந்து வந்தார்.

இந்த நிலையில் நேற்று முன்தினம் வீட்டில் இருந்த அவர் திடீரென தூக்குப்போட்டு தற்கொலை செய்து கொண்டார். இது குறித்து பண்ருட்டி போலீசார் வழக்குப்பதிவு செய்து சதீஷ்குமாரின் தற்கொலைக்கான காரணம் குறித்து தீவிர விசாரணை நடத்தி வருகிறார்கள்.